Suv toshqini oqibatida 15 kishi halok boʻldi

Xitoyning Shansi provinsiyasida 15 kishi suv toshqinida halok boʻldi, yana uch kishi bedarak yoʻqolgan. Bu haqda Xitoy OAV xabar bermoqda.
 Kuzgi yogʻingarchilik tufayli kelib chiqqan suv toshqinidan 1,8 millionga yaqin odam zarar koʻrdi. 120 mingdan ortiq fuqaro xavfsiz tumanlarga evakuasiya qilinadi. 37 mingdan ortiq uy va binolar zarar koʻrgan yoki butunlay vayron boʻlgan. Tabiiy ofatdan koʻrilgan toʻgʻridan-toʻgʻri iqtisodiy zarar 770 million dollarga baholanmoqda.
 Qutqaruvchilar boʻlinmalari qum toʻldirilgan qoplar yordamida sohillarni mustahkamlashga urinmoqda. Ammo yomgʻir toʻxtamayotgani ularning ishini qiyinlashtirmoqda.