Moskva markazidagi uydan topilgan moʻmiyolangan ayol jasadi

Moskva markazidagi uylarning biridan ayolning moʻmiyolangan jasadi topilgan. Bu haqda huquq-tartibot idoralaridagi manbasiga asoslanib, “Izvestiya” xabar bergan.

Jasad shaharning Taganskiy tumanidagi uylardan birida topilgan. Xonadondan kelayotgan yoqimsiz hid haqida xabar berilganidan soʻng, kommunal xizmat xodimlari politsiya xodimlari ishtirokida uyning eshigini ochib ichkariga kirishgan.

Xonadondagi divandan 80 yoshli marhumning moʻmiyolangan jasadi topilgan. Mutaxassislarning fikriga koʻra, oʻlim taxminan uch oy oldin sodir boʻlgan.

Jasad oʻlikxonaga olib ketilgan, keksa ayolning oʻlimi sababi aniqlanmoqda, deb yozadi xabar.uz.

Foto:“Аргуметы и факты”