Yerga yaqin masofada uchib oʻtadigan asteroid sayyoramiz uchun qanday xavf tugʻdiradi?

Mart oyida kattaligi bir kilometrdan ziyod asteroid yerga yaqin masofada xavfsiz tarzda uchib oʻtadi, ammo NASA tomonidan ushbu kosmik tosh “potensial xavfli” deb topilgan boʻlib, bu gigant diqqat bilan kuzatib borilmoqda, deya xabar bermoqda Express.

Maʼlum boʻlishicha, 21-mart kuni 231937  - 2001 FO32 nomli nomaʼlum kosmik tosh sayyoramizga yaqinlashib keladi. Ushbu kosmik toshi gigant boʻlib, uning diametrining uzunligi kamida 1024 metrni tashkil qiladi.

Xabarga koʻra, kosmik tosh quyosh sistemasi orqali sekundiga 34,4 kilometr yoki soatiga 123 000 kilometrdan koʻproq masofani bosib oʻtmoqda. Ushbu asteroid yerdan xavfsiz ravishda 5.3 oylik LD masofada oʻtadi.

Maʼlumot uchun, bir LD 384,317 kilometrni tashkil etadi. Bu Yer va Oy orasidagi masofa boʻlib, 2001 FO32 nomli kosmik tosh sayyoramizdan ikki million kilometrdan koʻproq masofada uchib oʻtadi.

“Biroq, “potensial xavfli” atamasi asteroid ayni vaqtda yerga xavf tugʻdirishini anglatmaydi. Aksincha, bu kelajakda Quyosh tizimining chizigʻidan birida asteroid yer bilan toʻqnashishi mumkin degan fikrni anglatadi”, –  deyiladi xabarda.

NASA xulosasiga koʻra, oʻtayotgan 2001 FO32 ogohlantirish sifatida xizmat qilishi kerak, chunki kengligi bir kilometrga teng boʻlgan asteroid ayyoramiz boʻylab tartibsizlikni keltirib chiqarishi mumkin.

NASAning axborotiga koʻra, biror kishining meteorit sabab oʻlish ehtimoli juda oz, ammo taʼsir qiladigan kometa yoki asteroidning kattaligi bilan xavf kuchayadi, eng katta xavf esa 1 kilometrdan kattaroq obyektlarning taʼsiridan kelib chiqadigan global falokatlar bilan bogʻliq, deb yozadi tez.news.