Xorijiy OTMlar soni maʻlum qilindi

Oʻzbekistondagi xorijiy OTMlar soni maʻlum qilindi. Bu haqda Davlat statistika qoʻmitasi axborot xizmati xabar berdi.
Maʻlum qilinishicha, 2020/2021 oʻquv yilida Oʻzbekistonda 20 ta xorijiy oliy taʻlim tashkiloti faoliyat yuritgan. Aytilishicha, bu koʻrsatkich 2 yil ichida 2 baravarga oshgan. 2018/2019 oʻquv yili boshiga bunday tashkilotlar soni 10 ta boʻlgan. 2019/2020 oʻquv yili boshida bu koʻrsatkich 18 taga yetgan. 2020/2021 oʻquv yili boshida esa xorijiy oliy taʻlim tashkilotlari soni 20 taga etgan.