OTMlarda o’quv yili oflayn boshlanadimi?

Ijtimoiy tarmoqlarda yangi oʻquv yilida taʼlim jarayonining anʼanaviy (oflayn) tarzda boshlanishi haqida tarqalgan xabarlar yuzasidan Oliy va oʻrta maxsus taʼlim vazirligi izoh berdi.
Qayd etilishicha, ayni kunlarda Oliy va oʻrta maxsus taʼlim vazirligi tomonidan oliy taʼlim muassasalarining pandemiya sharoitida sanitariya-gigiyena qoidalariga rioya qilgan holda taʼlim jarayonini anʼanaviy (oflayn) tarzda tashkil etish boʻyicha tayyorgarlik holati oʻrganilmoqda.
Oʻrganishlar natijasiga koʻra tegishli maʼlumotlar Vazirlar Mahkamasiga taqdim etiladi. Oliy taʼlim muassasalarida taʼlim jarayonini tashkil etish yuzasidan yakuniy xulosa tasdiqlangandan soʻng, vazirlik sayti va ijtimoiy tarmoqlaridagi sahifalari orqali rasmiy tarzda eʼlon qilinadi.