Oʻzbekistonda 2020-yilda bitiruvchilari OTMga kirmagan maktablar soni maʼlum boʻldi

Taʼkidlanishicha, tizimdagi pedagog-kadrlarning sifat tarkibi yaxshilanib, oliy toifali oʻqituvchilar soni 9,4 foiz, birinchi toifali oʻqituvchilar soni 6 foizga oshgan. Bundan tashqari, 2020-yilda matematika fanidan 56 ta, kimyo-biologiya fanidan 28 ta, informatika va AKT 14 ta ixtisoslashtirilgan maktab tashkil etilgan. 2020–2025-yillarda xalq taʼlimi tizimida inklyuziv taʼlimni rivojlantirish konsepsiyasi qabul qilingan.
Majlisda, shuningdek, 2020-yilda 175 maktab taʼlim sifati qoniqarsiz, deb baholanganligi sababli akkreditatsiyadan oʻtmagani taʼkidlangan. Oʻquvchilarning umumiy oʻzlashtirish darajasi Sirdaryo viloyatida 60,7 foiz, Toshkent viloyatida 62,4 foiz, Jizzax viloyatida 62,7 foiz, Andijon viloyatida 64,2 foiz, Namangan viloyatida 64,4 foizni tashkil etib, respublika koʻrsatkichidan past daraja qayd etilgan. Nazorat ishlari oʻtkazilgan umumtaʼlim fanlaridan oʻquvchilarning oʻzlashtirish darajasi fizika fanidan 54,6 foiz, kimyo fanidan 54 foiz natijaga erishgan deb xabar beradi tez.news.