Essiz ayol…

07 ноябрь 2021

196

Navoiy shahrida yashovchi  ayol bir necha qizlarni uyida saqlab fohishalik va odam savdosi bilan shugʻullangan. Asoslangan maʼlumotga koʻra 1982-yilda tugʻilgan ayol Navoiy shahri Nizomiy koʻchasidagi koʻpqavatli uylarning birida oʻz yashash xonadonida qizlarni saqlab, odam savdosi, fohishalik, qoʻshmachilik jinoyatlarini sodir etib yurganligi holati aniqlandi.
Ayol viloyatning qiziltepa tumanida tugʻilgan. Unga boʻysoʻnuvchi qizlar esa turli tumanlardan.Tezkor tadbir davomida qizlarning 2 nafarini bir sutkaga har birini 1 million soʻmdani jami 2 milion soʻmga yaqin aloqada boʻlishi uchun sotayotgan vaqtda daliliy ashyolar bilan ushlandi.Dastlabki tergovga qadar tekshiruv harakatlar natijasida qoʻshmachi ayol 2005-yilda tugʻilgan qizlardan biri, yaʼni voyaga yetmaganligini yashirish uchun uni mijozlariga 2000-yilda tugʻilgan deb aldab, bir yil doimiy ravishda aldab, har bir mijoziga 1 million soʻmdan 2 million soʻmgacha  pullab, jinsiy maqsadda sotib kelganligi, ammo uning oʻziga pul bermasdan faqat uyida yeb-ichishni taʼminlab turganligi aniqlandi.
Shu bilan bir qatorda qoʻlga ushlangan gumondor shaxsni  qoʻshimcha ravishda fohisha qizlarni saqlaganligi, unga xizmat koʻrsatuvchi taksi haydovchilari va boshqa oʻziga oʻxshagan qoʻshmachi ayollar bilan aloqaga kirishib noqonuniy holat yuritganligi toʻgʻrisida tezkor qidiruv tadbirlar natijasida tezkor maʼlumotlar qoʻlga kiritilgan. Mazkur maʼlumotlar ustida hozir tekshiruv ishlari olib borilyapti va bu tekshiruv natijalari yuzasidan qoʻshimcha ravishda tergov organlariga taqdim qilinadi.
Ayolga   nisbatan bugun qamoqqa olish ehtiyot chorasi koʻrilgan .
Mazkur holat yuzasidan Oʻzbekiston Respublikasi JKning tegishli moddalari boʻyicha tergov harakatlari olib borilmoqda.

Navoiy viloyat IIB matbuot xizmati

Ctrl

Enter

Xato topdingizmi

Bizga junating Ctrl+Enter

Boshqa ma`lumotlar: