5000 dollarga bolasini pullagan ona

Sirdaryo viloyatida 5 kunlik chaqalogʻini sotayotgan qashqadaryolik ayol qoʻlga olindi.
Huquq-tartibot idoralari xodimlari tomonidan Guliston shahrida oʻtkazilgan tezkor tadbirda, Qashqadaryo viloyati, Yakkabogʻ  tumanida yashovchi fuqaro B.S. joriy yilning 8-oktyabr kuni tugʻilgan, farzandini 5 000 AQSh dollari evaziga sotgan vaqtda ushlangan. Undan kimyoviy ishlov berilgan pullar daliliy ashyo sifatida olingan.
Fuqaro B.S.ning voyaga etmagan farzandi Sirdaryo viloyati “Bolalar uyi”ga topshirilgan.
Hozirda mazkur holat yuzasidan tergov harakatlari olib borilmoqda.