5 ta mashina ishtirokida toʻqnashuv sodir boʻldi

Toshkent shahri Mirzo Ulugʻbek tumanida 11-oktyabr kuni 5 ta mashina ishtirokida toʻqnashuv sodir boʻldi.
Maʻlum boʻlishicha, voqea soat 07:45 atrofida tumanning Mustaqillik shoh koʻchasi “Pushkin” metro bekati yaqinida sodir boʻlgan. Aniqlanishicha, “Captiva”, “Jiguli”, “Lasetti”, “Cobalt” , “Spark”avtomobillarining oraliq masofa saqlamagani oqibatida toʻqnashuv yuzaga kelgan.
Mazkur yoʻl-transport hodisasida tan jarohati olganlar yoʻq. Holat yuzasidan Toshkent shahar Yoʻl harakati xavfsizligi boshqarmasi xodimlari tomonidan surishtiruv olib borilmoqda.