ТЕХИНСПЕКЦИЯ: “ДУБАЙ» ШОКОЛАДИДА ИНСОН САЛОМАТЛИГИГА ХАВФЛИ БАКТЕРИЯЛАР МАВЖУД”

25 апрель 2025

Fix Dessert Chocolatier бренди остида сотилаётган «Дубай» шоколад маҳсулотларида инсон саломатлиги учун хавфли бактериялар аниқланди, деди Техник тартибга солиш инспекцияси лаборатория натижаларига таяниб. Унга кўра, маҳсулотнинг ташқи кўриниши ҳам техник регламент талабларига жавоб бермайди.

Fix Dessert Chocolatier савдо бренди остидаги шоколад маҳсулоти инсон саломатлиги учун хавфли. Техник жиҳатдан тартибга солиш соҳасида назорат инспекцияси синовлар якунида шундай хулосага келди.
Инспекция мутахассислари Ecobozor Беруний филиали савдо нуқталарида сотилаётган ушбу бренд остидаги «Дубай» шоколад маҳсулотлари устидан назорат хариди амалга оширган.

Танлаб олинган маҳсулотлар сифат кўрсаткичларини аниқлаш мақсадида UzTest синов лабораториясига топширилган. Баённома натижаларига кўра, қуйидаги номувофиқликлар аниқланган:

Мезофил аэроб ва факультатив анаэроб бактериялар (МАФАМ), шунингдек, ачитқи замбуруғларнинг юқори даражадаги мавжудлиги;
Коли гуруҳидаги бактериялар (БГКП) ва «Сальмонелла 25 г» бактериясининг мавжудлиги (меъёрий ҳужжатларда қатъиян тақиқланган).

«Бундай кўрсаткичлар инсон саломатлиги учун хавфли бўлиб, айниқса, аллергик касалликларни келтириб чиқариши мумкин», — дейилади хабарда.

Шунингдек, маҳсулотнинг ташқи кўриниши ҳам техник регламент талабларига жавоб бермаслиги маълум бўлди. Хусусан, озиқ-овқат маҳсулотини тамғалаш хавфсизлиги тўғрисидаги умумий техник регламентнинг тегишли бандлари талаблари бузилган.

Ctrl

Enter

Xato topdingizmi

Bizga junating Ctrl+Enter

Boshqa ma`lumotlar: