Farg‘ona tumanida plastik kartadan pul o‘g‘irlagan shaxs qo‘lga tushdi

Farg‘ona tumani. 2022 yilning 07 mart kuni K.T IIBga murojaat qilib, unda nomaʼlum shaxs tegishli bank tomonidan berilgan plastik kartasidan 2.010.000 so‘m pullarini yechib olganligini bildirgan.
Mazkur holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 168-moddasi 2-qismi bilan jinoyat ishi qo‘zg‘atilgan.
Olib borilgan tezkor qidiruv harakatlari davomida ushbu jinoyatni M.D sodir etganligi aniqlanib, tergov harakatlari olib borilmoqda.
Firibgarlik qonunga asosan jinoiy javobgarlikka sabab bo‘lishini esdan chiqarmang.
Yuqorida ko‘rsatilgan jinoyatni sodir etgan shaxs besh yilgacha ozodlikdan mahrum qilish bilan jazolanishi mumkin.
Farg‘ona viloyati IIB Axborot xizmati