AQSHda noqonuniy migratsiya rekord darajaga yetdi

2021- yil davomida AQSH hukumati mamlakat chegaralarida rekord — 1,7 million noqonuniy muhojirni hibsga oldi. Bu haqida Amerika chegara xizmati xabar bergan.  
Joriy yilning 1-oktyabrida yakunlangan hisobot davriga koʻra, Meksikadan AQSHga kirishga uringanda hibsga olinganlar soni 1 734 686 kishini tashkil etgan.
2020-yilda ularning soni 458 088 nafarni, 2019-yilda 977 509 nafarni tashkil etgan. Chegara xizmati veb-saytida 1960-yildan buyon toʻplangan statistik maʻlumotlar keltirilgan.
Taʻkidlanishicha, noqonuniy migratsiya oʻzining eng yuqori choʻqqisi — 213 593 kishiga joriy yilning iyul oyida yetgan, shundan soʻng ikki oy davomida biroz pasayish kuzatilgan.