24 yil oldin o’g’irlab ketilgan o’g’il o’z oilasiga qaytarildi

Xitoylik Guo Gantang va Chjan Venge bundan 24 yil oldin oʻgʻirlab ketilgan oʻgʻlini topishga muvaffaq boʻldi.
“Fox News” xabariga koʻra, oilaviy uchrashuv Shandun viloyatidagi Liaocheng shahrida boʻlib oʻtgan.
Hozir Guo Sinchjen 26 yoshda. Politsiya maʼlumotlariga koʻra, uni ikki yarim yoshida bir ayol va erkak oʻgʻirlab ketgan. Ular bolani Xebey viloyatiga olib boradi va Xitoyning markaziy qismida yashovchi oilaga sotib yuboradi.
Iyun oyida politsiya maxsus dastur orqali Guo Sinchjenni qidirib topgan. Keyinchalik uning shaxsi DNK tekshiruvi bilan tasdiqlangan.
Shu vaqt ichida Sinchjenning otasi Guo Gantang bolasini izlab mototsiklda deyarli Xitoyni aylanib chiqqan va politsiyaga boshqa yoʻqolgan bolalarni topishda yordam beruvchi faolga aylangan.