Navoiylik 9-sinf o’quvchisi Osiyo chempionatiga yo’llanma oldi

Karmana tumanidagi 14-maktab 9-sinf oʻquvchisi Abduazim Rahmatullayev Yengil atletika sport turining yadro itqitish va disk uloqtirish turidan mutloq Oʻzbekiston chempioni va Oʻzbekiston terma jamoasi a’zosi. U koʻp yillardan buyon Navoiy shahar 2-bolalar va oʻsmirlar sport maktabida armrestling sport turidan murabbiy Orif Barotov qoʻlida 3 ta sport turi bilan shugʻullanib kelmoqda. 
Joriy yilning 20-yanvar kuni  2006-2007-yillarda tugʻilgan yoshlar oʻrtasida armrestling boʻyicha Navoiy viloyat chempionatida faxrli 1-oʻrinni egallab, Respublikaga yoʻllanmani qoʻlga kiritdi. 16-fevral kuni Respublika bosqichida 2-oʻrinni egalladi va Osiyoga yoʻllanmani naqd qildi. Abduazim armrestling sport turi boʻyicha ham Milliy terma jamoasi a’zosi. Iste’dodli sportchimizga Osiyo chempionatida zafarlar tilab qolamiz.