“Biatlon” Kubogi gʻoliblari aniqlandi

Navoiy shahridagi “Yoshlik” sport majmuasida DXX Navoiy viloyati boʻyicha boshqarmasi, Yoshlar ishlari agentligi viloyat boshqarmasi hamda hamkor tashkilotlar tomonidan yoshlarni harbiy- vatanparvarlik ruhida tarbiyalash ishlarining samaradorligini oshirish maqsadida umumtaʼlim maktablarining 10-11-sinf oʻquvchilari oʻrtasida harbiy-sport turlari boʻyicha “Biatlon” Kubogi boʻlib oʻtdi.
Dastlab maxsus harbiy qism xizmatchilari hamda faxriy qorovullar oʻzlarining koʻrgazmali chiqishlarini namoyish etishdi. 
Shuningdek, sport musobaqasi saf tayyorgarligi koʻrigidan tantanali yurish mashqi; estafeta (yugurish, oʻq otish); velopoyga; turnikda tortinish mashqi kabi yoʻnalishlarda oʻtkazildi.
Sport musobaqasi davomida Navoiy shahridagi quyidagi umumtaʼlim maktablari gʻoliblikni qoʻlga kiritdi:
1-oʻrinni ~ 1-umutaʼlim maktabi; 
2- oʻrinni ~ 11- umutaʼlim maktabi; 
3- oʻrinni ~ 3- umutaʼlim maktabi jamoalari egallashdi. 
Musobaqa sovrindorlarini tashkilotchilarning qimmatbaho sovgʻalari, koʻchma  kubok va diplomlar bilan taqdirlandi.
Marosimida futbol boʻyicha Oʻzbekiston milliy terma jamoasi aʼzolar Ignatiy Nesterov va Islom Toʻxtaxoʻjayevlar qatnashganligi yoshlarga oʻzgacha koʻtarinkilik baxsh etdi.