QADRIYATLAR MILLAT MA’NAVIYATINING KO‘ZGUSI

                                 Moziyga nazar soldim,
                                 Buvimdan bilib oldim
                                 Haqiqatning barini –
                                 Karvonsaroy sirini.
                                 Navoiyda asl oti
                                 Malikrabot – Shoh Raboti.
                                 Ne-ne ulug‘ zotlar unda
                                 Mehmon bo‘lib o‘tgan kunda.
                                 Ipak yo‘li o‘tgan joy,
                                 Navoiy ham qo‘ygan poy.
                                 Karvonsaroy – dabdaba,
                                 Yonida-chi Sardoba.
                                 Karvonlarda o‘tganlar
                                 Suv ichib ham ketganlar.
                                 Sug‘organ tuyalarni,
                                 Otlar-u biyalarni.
                                 O‘n birinchi asrda,
                                 Karmanada bir cho‘lda
                                 Shamsulmulk Qoraxoniy
                                 Qurgan, noyob, abadiy.
                                 Ta’mirlagan Arslonxon,
                                 Mana, mustahkam hamon.
                                 Ne zamon xizmat qilgan,
                                 Qo‘noqqa himmat qilgan.
                                  Karvonlarda bobolar,
                                  Yosh qizlar-u bolalar.
                                  Tuyalarda yigitlar
                                  Yo‘l yurib manzil ketar.
                                  To‘xtab o‘tishar shunda
                                  Malikrabotda kunda.
                                  Sardoba ham xizmatda,
                                  Suv kerak-da, albatta!
                                  Xullas, shunday bobolar
                                  Qurgan noyob binolar.
                                  Hojatbarorlik qilgan,
                                  Ko‘plardan duo olgan.
                                  Hamon rostlagan qaddin,
                                   Yo‘qotmagan qimmatin.
                                   Biz ham ularni asrab,
                                   Kelajakka avaylab
                                   Yetkazaylik meroslab,
                                   Tursin mag‘rur qad rostlab!!!
                                                            
                                  Farida FARMONOVA 
                                Navoiy shahar 5-IDUM 7-“A”sinf o‘quvchisi