Ipak qurti urugʻlari keltirildi

2021-yilda respublikamiz boʻylab 401 ming 261 quti ipak qurti urugʻi parvarish qilinib, 22 ming 470 tonna pilla xomashyosi yetishtirish koʻzda tutilgan.
Oʻzbekiston hukumati tashabbusi bilan Pekin-Navoiy yoʻnalishida maxsus charter reys orqali ipak qurti urugʻlari mamlakatimizga keltirildi.
“Oʻzbekipaksanoat” uyushmasi axborot xizmati xabariga koʻra, tashkilot tomonidan 2021-yilgi pilla yetishtirish mavsumlarini samarali tashkil etish va yanada sifatli pilla xomashyosini yetishtirish maqsadida qoʻshimcha tarzda Xitoy xalq respublikasidan ipak qurti urugʻlari keltirish maqsad qilingan edi. Kecha maxsus samolyotda olib kelingan ipak qurti urugʻlari Uyushma masʼul xodimlari, Ipakchilik ilmiy tadqiqot instituti olimlari, mamlakatimizdagi pillachilik klasterlari rahbarlari va mutaxassislar tomonidan qabul qilib olindi.