Eldor shomurodov ilk rasmiy o’yinda gol urdi va jamoasiga g’alaba keltirdi

Kecha Yevropa klublari oʻrtasida nufuzi jihatidan uchinchi oʻrinda turuvchi Konferensiyalar ligasida saralash bosqich oʻyinlari oʻtkazildi. Unda hamyurtimiz Eldor Shomurodov toʻp tepayotgan Rimning "Roma" klubi Turkiyada "Trabzonspor" jamoasi mehmoni boʻldi.
Mazkur uchrashuvda Oʻzbekiston terma jamoasi hujumchisi Eldor Shomurodov rimliklar safida dastlabki rasmiy oʻyinini oʻtkazdi va jamoasiga gʻalaba keltirgan toʻp muallifiga aylandi.
81-daqiqada Eldor toʻsindan qaytgan toʻpni "Trabzonspor" darvozasiga aniq yoʻllab, Joze Mourino jamoasiga muhim gʻalabani taqdim etdi. Shundan soʻng hamyurtimiz oʻz oʻrnini Borxa Mayoralga boʻshatib berdi.
Mazkur jamoalar oʻrtasidagi javob uchrashuvi 26-avgust kuni Rimda oʻtkaziladi.