Eldor Shomurodov “Roma”ga oʻtdi

Italiyalik jurnalist-insayder Nikolo Skiraning xabar berishicha, Rimning “Roma” klubi Eldor Shomurodovni oʻz safiga qoʻshib oldi. Transfer tafsulotlari tez orada rasman eʼlon qilinadi.
Rimliklar Oʻzbekiston terma jamoasi hujumchisini 16 million yevro evaziga sotib olish huquqi bilan ijaraga oldilar. Shomurodov endi 2026-yilgacha “Roma” manfaatlarini himoya qiladi. “Jenoa” futbolchining keyingi sotuvi va shaxsiy koʻrsatkichlari sababli ham maʼlum miqdorda pul ishlab oladi.
Eldor Shomurodov “Jenoa”ga “Rostov”dan 2020-yilning oktyabrida 7,5 million yevro evaziga koʻchib oʻtgan va avvalgi mavsumda 8 ta gol urib, 2 ta golli uzatmani qayd etgan edi.
“Roma” oʻtgan mavsumda Italiya A seriyasida 62 osko toʻplab, 7-oʻrinni egallagan va Paulu Fonsekani isteʼfoga chiqarilib, Joze Mourinyoni bosh murabbiy etib tayinlangan edi. Jamoa UEFA konferensiyalar ligasida ishtirok etadi.