O’zbekistonga Gurbanguli Berdimuhammedov tashrifi kutilmoqda

Turkmaniston Prezidenti Gurbanguli Berdimuhammedov oktyabr boshlarida O’zbekistonga rasmiy tashrif bilan keladi. Bu haqda “REGNUM” O`zbekiston hukumatidagi manbaga tayanib xabar qildi.
14-sentyabr kuni Shavkat Mirziyoev Turkmaniston  Vazirlar Mahkamasi Raisining o`rinbosari Esenmirat Orazgeldievni qabul qilib, O’zbekistonda o’tkaziladigan sammitga puxta va har tomonlama tayyorgarlik ko’rish, eng avvalo, mazmunli kun tartibini shakllantirish, shuningdek, iqtisodiyotning turli tarmoqlarida sanoat kooperasiyasi loyihalari va madaniy-gumanitar almashinuv dasturlarini ilgari surish muhim ekanini ta’kidlagan edi.
Avvalroq, Gurbanguli Berdimuhammedov Esenmirat Orazgeldievga O’zbekistonga tashrifga tayyorgarlik ko’rishni buyurgandi.