Benzin hajmi ortdi

Oʻzbekistonda 2021 yilning 1 sentyabr holatiga koʻra, jami 729,4 ming tonna avtomobil benzini ishlab chiqarilgan.
Maʻlum boʻlishicha, respublikaga 2021 yilning 8 oyida 281,6 million litr avtomobil benzini import qilingan. Import qilingan benzin qiymati 100 million dollarga teng boʻlgan. Avtomobil benzini ishlab chiqarish hajmi oʻtgan yilning mos davri bilan solishtirilganda 5,1 foizga oshgan. Avtomobil benzini importi esa 2020 yilning mos davriga nisbatan 3,2 baravarga oshgan.