Firibgar ushlandi

Bosh prokuratura huzuridagi Departamentning Ohangaron tuman boʻlim tomonidan DXXning Ohangaron shahar boʻlimi bilan oʻtkazilgan tezkor tadbirda, fuqaro J.K. va F.Z.lar fuqaro M.ning ishonchiga kirib, uni tanishlari orqali 3 000 AQSH dollari evaziga “Olmaliq togʻ-kon metallurgiya kombinati” AJga ishga kiritib qoʻyishni vaʼda qilib, shundan 1 500 AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.