Bokschimiz tarixga kirdi

Tokio-2020 Olimpiadasining ikkinchi kun dasturida boks bahslariga ham start berildi.
Kunning birinchi jangi hamyurtimiz Tursunoy Rahimova ishtirokida kechdi.
-51 kg vazn toifasida ringga koʻtarilgan vakilimiz polshalik Sandra Drabikka qarshi bahs olib bordi. Qiziqarli kechgan bahsda chiroyli jang oʻtkazgan Rahimova raqibasi ustidan irodali gʻalabaga erishdi.
Shu tariqa Rahimova Olimpiya oʻyinlarida gʻalabaga erishgan ilk bokschi qizimiz sifatida tarixga kirmoqda. Uning keyingi bosqichdagi raqibasi turkiyalik Buse Naz Chakirooʻgʻlu boʻladi.