O’zbekistonda havo harorati 44 darajagacha ko’tarilishi mumkin

Oʻtgan dam olish kunlari ob-havo Oʻzbekiston aholisiga soʻnggi oylarda zerikarli boʻlib qolgan issiqdan dam olish imkonini berdi. Gʻarbiy Qozogʻiston hududlaridan salqin havoning kirib kelishi havo haroratini meʼyordan 3-5° ga pasaytirdi.
Kechasi va erta tongda havo 13-16° gacha salqinlashdi, kunduz kunlari esa harorat 29-32° dan yuqoriga koʻtarilmadi, faqat janubiy hududlarning eng chekkasida 32-35° qiymatlariga etdi.
Haftaning boshida salqin ob-havo saqlanib turadi. Bugun kunduz kuni harorat 28-33°, ertaga 30-35° atrofida boʻladi.
Chorshanba kunidan esa salqin havo massasi Oʻzbekiston hududidan chekina boshlaydi va uning oʻrniga Eron hududlaridan nisbatan issiq ob-havo kirib keladi.
Havo harorati asta-sekin koʻtariladi va haftaning oxiriga kelib, kechalari 18-20° gacha, kunduz kunlari 36-38° gacha koʻtariladi.
Bunday harorat avgust oyining ikkinchi yarmi uchun boʻlgan oʻrtacha koʻp yillik qiymatlardan 2-3° ga yuqori boʻladi. Biroq shuni qayd etish joizki, ushbu davrda Oʻzbekiston hududida eng issiq yillarda harorat 40-41° gacha, janubda esa 42-44° gacha koʻtarilgan. Biz hafta davomida va keyinchalik ham bunday issiqni kutmayapmiz.
Respublika boʻyicha hafta davomida birozdan oʻrtachagacha boʻlgan shamollar bilan quruq va asosan kam bulutli ob-havo saqlanib turadi.
Fargʻona vodiysi viloyatlarining ayrim togʻli hududlarida faqat bugun kechqurun momaqaldiroq bilan qisqa muddatli yomgʻir yogʻishi mumkin.