JANNATIM-ONAM

Jannat o‘zi nima u?,                                   

So‘rab ko‘rdim buvimdan                                 

Taʼrifini eshitdim,                                      

U joy oldi, ko‘nglimdan.                         

Shunday go‘zal Jannat ham,                     

Onadan so‘ng, turarmish                            

Onani rozi qilgan,                                   

Jannatlarda yurarmish .                          

Nasihat qiladilar,                                    

Buvim ushlab yuzimni.                              

“ - Hech onangni ranjitma,                          

Hozir ochgin ko‘zingni!                              

- Seni qancha zoriqib,                                 

Kutganini  bilaman.                                   

Hatto, qolgan og‘rinib,                               

Eslab ko‘nglim tilaman.”                        

Onam chekkan, azoblar                  

Bir-bir o‘tdi, ko‘zimdan

Kecha, sal arazlovdim,  

Xafa bo‘ldim, o‘zimdan.

Bir marta aytsa, yumush,

Shoshmay turing, debman-da,

Shirin ovqatga, bir bor

Rahmat deb, yemabmanda.

Hozir ham, ancha betob.

Lekin, yuzi kuladi.

Qanchalik, og‘rinsa ham,

Bizlarni deb, turadi.

Xafa qilsak  ko‘nglini

Hech arazlab yurmabdi.

Ukam bilan shovqin qilsak,

Biror marta urmabdi.

Farishta ekan, onam

Bugun so‘rayman, uzr

Bir farzand bo‘lay endi,

Ko‘rib qilsinlar, huzur.

Ko‘zlarinining nurlari,

Men deb ketgan, bilaman.

Endi, nasihat qilsa,

Quloqchamga ilaman!

Albatta, o‘zgaraman!

Shundayin, yuramanmi?!

Endi aytingchi, do‘stlar,

Jannatga kiramanmi?

Bonu IBRAGIMOVA,