Rossiyada qancha oʻzbekistonlik “zapret”dan chiqdi?

Rossiya Ichki ishlar vazirining birinchi oʻrinbosari, general-mayor Aleksandr Gorovoy qancha oʻzbekistonlik afv etilganiga aniqlik kiritdi. 
Unga koʻra, Rossiya O`zbekistonning muqaddam mamlakatga kirishiga taʻqiq qoʻyilgan 158 ming fuqarosini afv etdi. Bu haqda u Moskvada Oʻzbekiston Bosh vaziri maslahatchisi Mehriddin Xayriddinov boshchiligidagi delegasiyasi bilan uchrashuv chogʻida ma’lum qildi.
Qayd etish kerakki, berilgan “migrasiya amnistiyasi” sud qarorlari asosida ilgari Rossiyadan deportasiya qilingan Oʻzbekiston fuqarolariga nisbatan qoʻllanilmaydi.
Avvalroq, Rossiya IIV deportasiya qilingan 150 ming oʻzbekistonlik va 150 ming tojikistonlikka mamlakatga kirish uchun ruxsat bergani xabar qilingandi.