Koronavirus vaqtida vafot etgan shifokorlar soni ochiqlandi

Jahon sogʻliqni saqlash tashkiloti koronavirus tufayli 80 000 dan 180 000 gacha tibbiyot xodimlari vafot etganini maʻlum qildi.
Birlashgan Millatlar Tashkiloti esa kasallanish holatlari koʻpayib, pandemiya davom etayotganini hisobga olib, hukumatlarni ishchilarni himoya qilish va qoʻllab-quvvatlash uchun koʻproq harakat qilishga chaqiruvlarini kuchaytirmoqda.
JSST butun dunyo boʻylab virus tarqalishi davom etayotgani sabab charchoq va tashvish xavfi haqida ogohlantirib, butun dunyo boʻylab 80 000 dan 180 000 gacha tibbiyot xodimlari COVID-19 tufayli vafot etganini urgʻulagan.
“Bu oʻlimlar fojiali yoʻqotishdir”, deya taʻkidlagan JSST 2020-yil yanvaridan 2021-yil mayigacha boʻlgan maʻlumotlarni eʻlon qilish chogʻida.
Qayd etilishicha, xuddi shu davrda koronavirusdan vafot etganlarning umumiy soni 3 million 450 mingni tashkil qiladi.