JSST maʼlumotlariga koʻra, oxirgi sutka davomida dunyoda COVID-19 dan 12 mingdan ortiq bemor vafot etdi

Jahon sogʻliqni saqlash tashkiloti maʼlumotlariga koʻra, dunyoda koronavirus infeksiyasini yuqtirganlar soni 103 million 362 mingdan ortiqni tashkil etmoqda. Shundan 3.02.2021-yil Yevropa vaqti bilan soat 15:59 holatiga koʻra 2 million 244 mingdan ziyod kishi vafot etgan. Oxirgi sutka davomida dunyoda koronavirus infeksiyasi bilan kasallanishning 403 263 yangi holati aniqlandi, 12 120 nafar bemor vafot etdi.

 Jons Xopkins universitetining 04.02.2021-yil Toshkent vaqti bilan soat 10:22 holati maʼlumotlariga koʻra, dunyoda kasallikni 104 million 389 mingdan ortiq odam yuqtirgan, ulardan 2 million 268 mingdan ortigʻi vafot etgan.

 Kasallik tasdiqlangan holatlar boʻyicha AQSH birinchi oʻrinda turibdi. JSST maʼlumotlariga koʻra, AQSHda 26,055 milliondan ortiq koronavirus infeksiyasini yuqtirganlar aniqlangan. Ikkinchi oʻrinda Hindiston - 10,777 milliondan ortiq, uchinchi oʻrinda Braziliya - 9,229 milliondan ortiq, toʻrtinchi oʻrinda Rossiya - 3,901 milliondan ortiq, beshinchi oʻrinda esa Buyuk Britaniya - 3,852 milliondan ortiq, deb xabar beradi Sogʻliqni saqlash vazirligi rasmiy telegram kanali.

 JSST maʼlumotlariga koʻra, bir sutka davomida AQSHda 125 444, Hindistonda 11 039, Braziliyada 24 591, Rossiyada 16 474, Buyuk Britaniyada esa 16 840 nafar yangi kasallanish holati aniqlangan.