Meta jarimaga tortildi

San-Paulu isteʼmolchilar huquqlarini himoya qilish boshqarmasi (Procon-SP) Facebook, Instagram va WhatsAppʻga egalik qiluvchi Meta kompaniyasining Braziliyadagi boʻlinmasini “yomon xizmat koʻrsatgani uchun” 11,3 million dollar jarimaga tortdi.
Jarima kompaniya xizmatlarida 4-oktyabr kuni yuz bergan global nosozlik tufayli joriy etilgan. Uzilish Braziliyadagi 91 000 dan ortiq Facebook, 90 000 dan ortiq Instagram va 156 000 dan ortiq WhatsApp foydalanuvchilariga taʼsir koʻrsatgani aytilmoqda.
"Braziliya va butun dunyodagi millionlab isteʼmolchilarga taʼsir koʻrsatuvchi xizmatlar faoliyatida aniq uzilishlar yuz berdi. Kompaniya foydalanuvchilardan daromad oladi, bu esa uning isteʼmolchilar bilan aloqasi borligini bildiradi”, — dedi boʻlim boshligʻi Fernando Keyps.