7 mingta noqononiy holat aniqlandi

Andijon shahriga “aqlli” gaz hisoblash uskunalarini oʻrnatish ishlari oʻtgan yildan boshlab joriy etila boshlangan, bugunga kelib 43 mingdan ortiq xonadonlarga oʻrnatilgan hisobdonlar dasturga kiritilgan.
Mazkur uskunalar tabiiy gazni aniq hisob-kitob qilib boradi va 3 kun ichida isteʼmolchi qarzdorlikni bartaraf etmasa, tabiiy gaz taʼminoti avtomatik tarzda toʻxtatiladi
Afsuski, isteʼmolchilar orasida qarzdorlik boʻyicha avtomatik tarzda tabiiy gaz berishi toʻxtatilgandan soʻng, oʻzboshimchalik bilan elektron gaz hisoblash uskunasini yechib olib, rezina shlanglar orqali tarmoqqa ulanib olgan va tabiiy gazdan noqonuniy ravishda foydalanayotganlar yoʻq emas. 
“Hududgaz Andijon” gaz taʼminoti filiali mutaxassislari Andijon shahridagi “Andijon” MFYinspektorlari bilan mahalla xonadonlarni xatlovdan oʻtkazish jarayonida isteʼmolchilar tomonidan GHUni olib qoʻyish, tamgʻa buzilishi, loyihadan tashqari gaz jihozlarini oʻrnatib olish va shunga oʻxshash holatlar boʻyicha aniqlandi. Oʻtgan yanvar va fevral oylarida viloyat boʻyicha 6 794 ta holatda ana shunday qonunbuzilishlar aniqlanib, qayta hisob-kitob amalga oshirildi hamda ularga nisbatan 10 mln. 332 ming metr kub gaz hajmi hisoblandi. Bu haqda “Hududgaz Andijon” gaz taʼminoti filiali matbuot xizmati xabar berdi.
Isteʼmolchilar esa foydalanilgan tabiiy gaz uchun oʻz vaqtida toʻlovlarni amalga oshirsa, qoʻni-qoʻshnilari va mahalladoshlarini ham bir meʼyorda tabiiy gaz bilan taʼminlanishiga hissa qoʻshgan boʻladi.