Xabib Nurmagomedov jang maydoniga qaytadimi?

32 yoshli Xabib Nurmagomedov MMAda 29 ta jang o‘tkazgan, u 29 marotaba g‘alabaga erishgan. 

Oktyabr oyidagi Jastin Gaetje bilan janggidan so‘ng u iste’foga chiqishini e’lon qiladi. Xabibning murabbiyi uning otasi edi. Uning vafotidan so‘ng esa jang qilishni xohlamasligini aytgandi. 

Endilikda UFC rahbari Dana Uayt jangchi Xabib Nurmagomedov karerasini qayta boshlashi mumkinligi haqida ma’lum qildi. UFC rahbarining so‘zlariga ko‘ra, Xabib UFC 257 dan keyin oktagonga qaytishga qaror qiladi - avval u Konor Makgregor, Dastin Poiri, Maykl Chandler va Den Xukerning chiqishlarini tomosha qiladi. Agar Konor Makgregor - Dastin Poiri va Maykl Chandler - Den Xuker janglari shiddatli tarzda o‘tsa, ular Xabibni nima bilandir hayron qoldira olishsa, u albatta, jang maydoniga qaytadi. Katta ehtimol bilan afsonaviy chempionlik kamarini himoya qilib 30-jangini o‘tkazadi, deb xabar beradi ESQUIRE.