BRITANIYANING G‘AROYIB ROJDESTVO AN’ANALARI

  Rojdestvo pudingi - bu Buyuk Britaniyada Rojdestvo kechki ovqatida xizmat qiladigan meva pudingi. Puding birinchi marta Buyuk Britaniyada XIV asrda iste’mol qilingan. Odatda puding mayiz, smorodina, quritilgan o’rik, sharob va ziravorlar qo’shib tayyorlanadi. Buyuk Britaniyadagi Rojdestvo bayramining qiziqarli an’analaridan biri kumush tangani pudingga joylashtirishdir. Tanga kimning yonidan chiqsa, o’sha odam omadli hisoblanadi. Ushbu an’ana Qirol Edvard II saroyida vujudga kelgan bo’lib, loviya yoki quritilgan no’xat puding ichiga joylashtirilgan. Uni topgan omadli inson esa kun bo’yi qirol yoki qirolicha tojini kiyib yurishga sazovor bo’lgan.

 Rojdestvo kuni kurka yeyish

   Kurkalar Britaniyaga ilk marotaba XVI asrda Hindistondan olib kelingan. Bungacha inglizlar g’ozlar, cho’chqalar va hatto tovuslarning go’shtini iste’mol qilishardi. Endilikda kurka go’shtiga Rojdestvo dasturxonining ko’rki  sifatida qaraladi. 

  "Panto" deb nomlanadigan Rojdestvo pantomimasi - bu britaniyaliklar Rojdestvo davrida tomoshaga boradigan komediyalar namoyishidir.  

  1932 yildan beri  Britaniya Rojdestvo madaniyatining muhim qismidan biri bu qirolicha nutqini tomosha qilishdir. Hozirgi kunda Qirolichaning Rojdestvo xabarini har yili millionlab inglizlar televizor orqali tomosha qilishadi.

 Xayriya mablag’lari bilan poyabzal qutisini to’ldirish

  1990 yilda Deyv Kuk ismli kishi televizorda ruminiyalik yetimlarning azoblanishini ko’rib, ularga yordam berishga qaror qiladi. Xayriya ehsonlari bilan poyabzal qutilarini to’ldirish an’anasi aynan shu voqeadan so’ng boshlangan. U o’zining tug’ilgan shahri Uels aholisini bolalar uyiga pul ajratishga jalb etadi. Shu orada bolalarning poyabzal qutilarini o’yinchoqlar va sovg’alar bilan to'ldirishadi. Ushbu tashabbusning muvaffaqiyati OAV tomonidan katta e’tiborga sazovor bo’ladi. Shundan so’ng Buyuk Britaniyada poyabzal qutilarini muhtoj bolalar uchun sovg’alar bilan to’ldirish   Rojdestvo davrida odatiy holga aylandi.

 Rojdestvo arafasida paypoqlarni osib qo’yish

  Rojdestvo arafasida bolalar  paypoqlarini osib qo'yishadi. Ular avliyo Nikolay  yoki Santa Klaus  paypoqlar ichini sovg’alar, mevalar, konfetlar yoki tangalar bilan to’ldirib ketishiga ishonishgan. G’arb an’analariga ko’ra, yomon xulq-atvorga ega bolalar paypog’i sovg’alar o’rniga bir dona ko’mir bilan to’ldirilgan.

  Britaniyaliklarning Rojdestvo an’analari  sizga yoqdi degan umiddamiz.