Ilon Mask tanlov eʼlon qildi: gʻolibga 100 million dollar beriladi

Tesla va SpaceX asoschisi Ilon Mask oʻzining Twitterdagi sahifasida yangi tanlov eʼlon qildi.Tanlov shartlariga koʻra, karbonat angidrid gazini olish va saqlash uchun eng yaxshi texnologiyani ixtiro etgan kishiga 100 million dollar toʻlashni vaʼda qilgan.  “Men eng yaxshi uglerodni ortib olish texnologiyasi ixtirosi uchun mukofot sifatida 100 million dollar sarmoya ajrataman”, deb yozgan Mask. Shuningdek, u taklif tafsilotlarini kelasi hafta oshkor qilishga vaʼda bergan.

Karbonat angidrid gazini olish va saqlash deganda, karbonat angidrid gazini sanoat va energiya manbalaridan ajratish va atmosferadan uzoq muddatli izolyatsiyani oʻz ichiga olgan jarayon tushuniladi. Ushbu jarayonning maqsadi global isish va atrof-muhitning ifloslanishiga qarshi kurashdir.

Avvalroq Tesla va SpaceX kompaniyalarining bosh ijrochi direktori Ilon Mask Xan akademiyasi oʻquvchilari uchun bepul taʼlim platformasiga 5 million dollar sarmoya ajratgan edi, deb yozadi xabar.uz.