Pirаmidalаr hаqidа yangichа qаrаshlаr

«Misr piramidalarini o‘zga sayyoraliklar qurgan». Ilon Maskning taxmini shunday bo‘ldi. U bu haqida o‘zining internetdagi sahifalarida yozib qoldirdi. Аlbatta Mask ko‘targan shov-shuvga javoban Misr mamlakati rasmiylari Ilonni ushbu masalani o‘rganish uchun Misrga taklif qilishdi.

Misr Xalqaro aloqalar vaziri Raniya al-Mashat Maskni o‘z mamlakatiga tashrif etishga chaqirar ekan, «Men sizning ishingizni katta hayrat bilan kuzataman. Sizni va SpaceXni, piramidalar qanday qurilganligi haqidagi matnlarni o‘rganishga, shuningdek ularni qurganlarning qabrlarini ko‘rishga taklif qilaman. Janob Mask, biz sizni kutmoqdamiz. "Ushbu chorlov Maskni o‘zi qo‘zg‘agan masalani jiddiyroq o‘rganishga undadimi, yo‘qmi, noma’lum, ammo biznesmenning obunachilari yetarlicha fikrlar bilan media maydonga chiqishdi.

Kimdir, piramidalardagi og‘ir toshlarni ko‘tarish uchun vodiyni suv bostirishgan, desa yana kimdir, mohirlik bilan o‘yilgan 100 tonnadan ortiq og‘irlikdagi toshlarni ko‘tarib insoniyat qayta takrorlay olmaydigan qilib tiklash kimning qo‘lidan keladi?" – deya o‘z hayratini yashira olmagan. Foydalanuvchilar nafaqat piramidalarning kelib chiqishi versiyasi, balki ularni qurgan musofirlar qanday ko‘rinishi mumkinligi haqida ham bahslashishgan.

Mask esa BBCning havolasiga piramidalar haqidagi o‘zining navbatdagi maqolasini joylashtirdi. U piramidalar qanday qurilganligi to‘g‘risida "oqilona tushuntirish" bergan. Elon Maskning yozishicha, Misrdagi deyarli har bir oila piramidalar qurilishida qatnashgani, tadqiqotchilar ushbu inshootlarni qurishda biron bir tarzda yordam bergan o‘n minglab odamlar haqida gapirishlari aytilgan. Bundan tashqari, Bi-bi-sining ta’kidlashicha, tadqiqotchilar qurilishida ishtirok etgan odamlarning qoldiqlarini o‘rganish paytida begona irq, xususan, o‘zga sayyoraliklarning izlarini topishmagan.