Hindiston va Xitoy chegarasida qurolli to‘qnashuv sodir bo‘ldi

Hindiston va Xitoy chegarasida qurolli to‘qnashuv bo‘lib o‘tdi va unda 20 nafardan ortiq askarlar yaralangani aytilmoqda. Bu haqda Tass.ru xabar beradi. To‘qnashuv Hindistonning Sikkim shtatidagi Naku-La dovoni hududida sodir bo‘lgan. Xitoy armiyasi Hindiston o‘rtasidagi demarkatsiya chizig‘ini kesib o‘tishga uringanligi va hind harbiylari o‘q otishga majbur bo‘lishgani aytilmoqda. Bu otishmada Hindiston armiyasining to‘rt nafar, Xitoy tomonidan 20 nafarga yaqin harbiy xizmatchisi tan jarohati olgan. Halok bo‘lganlar haqida maʼlumot yo‘q.

  Maʼlumki, Pekin va Nyu-Dehli o‘rtasida ikki mamlakat harbiylari o‘rtasida o‘qotar quroldan foydalanmaslik to‘g‘risida kelishuv mavjud. 2020 yilning 16 iyun kuni ham Hindiston armiyasining o‘nlab askarlari bu chegera hududida to‘qnashuvda halok bo‘lgan edi. Bu holatda ham hind rasmiylari Xitoyni ayblagandi.

 Ushbu hududda hind rasmiylari tan olgan chegara mavjud, ammo Xitoy  hamon bu chegarani tan olmay kelmoqda, deb xabar beradi zamon.uz.