39 qavatli mehmonxona portlatildi

 AQShda  sobiq prezident Donald Trampga tegishli mehmonxona portlatildi. 39 qavatli «Trump Plaza» binosi qanday qilib qulayotgani aks etgan kadrlar NJ.com ning YouTube kanaliga joylashtirilgan.
 "Trump Plaza" binosida mehmonxona va kazino mavjud.  1984-yilda oʻz eshiklarini ochgan kazino shovqinli bazmlar uyushtirishi, Gollivud yulduzlari, rassomlari va sportchilarini taklif qilinishi bilan mashhur edi.
 2009-yilda bankrotlik haqidagi mish-mishlar paydo boʻlgandan soʻng, Tramp mehmonxona bilan aloqalarni uzgan. Ammo biznesmen va siyosatchi Trampning ismi tushirilgan taxtachalar yillar davomida mehmonxonaning har burchagida osilgan holda turgan. Yetti yil oldin mehmonxona bankrot boʻlgan. Buzish toʻgʻrisida qaror bino qulab tusha boshlagandan soʻng qabul qilingan. Endi mahalliy hokimiyat organlari boʻshagan maydondan qanday foydalanish haqida oʻylashmoqda, deb xabar beradi zamon.uz.