Kobra dunyodagi eng katta ilonni yutib yubordi

Tabiatdagi ayrim hodisalar insoniyat aqlini shoshirib qoʻyadi. Masalan ilonlar orasida piton eng bahaybati hisoblanadi, u kobraga nisbatan bir necha bor yirik. Lekin shunga qaramasdan Filippinning Mindanao orolida mahalliy aholi bahaybat pitonni yutib yuborgan ulkan kobrani koʻrib qolishdi. 2019 yilda roʻy bergan bu hodisa doim yuz beradigan voqea emas edi. Guruch dalasidan nogahon kobra topildi, uning ogʼzidan faqat oʻljasining dumi osilib turar edi, maxluq oʻljasini oxirigacha yutolmadi. Mahalliy aholining soʻzlariga koʻra, ilonning uzunligi taxminan 3,6 metrni tashkil etgan. Kobrani koʻrgan mahalliy aholi uni oʻldirishga shoshilishdi, shundan soʻng ular ilonni uzun pichoq bilan kesib, turli hisob-kitoblarga koʻra uzunligi 2,4-3,3 metrgacha boʻlgan majaqlangan pitonni uning ichidan topdilar. Ishchilardan birining aytishicha, bu joylarda doimo ilonlar koʻp, ammo pitonni yeb qoʻygan kobrani birinchi marta koʻrishgan.

Guvohlar oʻldirilgan ilonni filippinlik kobra deb atashadi, lekin ularning uzunligi odatda 1,6 metrdan oshmaydi. Ehtimol, bu qirol kobra edi, chunki uni vakillarining uzunligi 5,7 metrgacha oʻsishi mumkin. Va ular asosan mayda sutemizuvchilar va qurbaqalarni isteʼmol qilishadi nari borsa, ilon va kaltakesaklar bilan oziqlanadi. Pitonga esa aslo kuchlari yetmaydi. Naqshli pitonlar dunyodagi eng katta ilonlar hisoblanadi: ularning uzunligi yetti metrdan oshishi mumkin. Ular maymunlar, tuyoqlilar, kemiruvchilar, qushlar va sudralib yuruvchilar bilan oziqlanadi.