AQSHning Perseverance nomli Marsga yuborilgan havo kemasi sayyora hududiga muvaffaqiyatli qoʻndi

Marsga yuborilgan AQSHning Perseverance nomli havo kemasi sayyora hududiga muvaffaqiyatli qoʻndi. NASA toʻgʻridan toʻgʻri efir tufayli qurilmaning qoʻnishini kuzatish imkonini taqdim etdi. “Qoʻnish tasdiqlandi. Perseverance Mars yuzasida yaxshi oʻrnashib oldi”, - dedi translyatsiya diktori. Qurilma 2020-yil iyulida ishga tushirilgan va shu yilning yozida Yerdan Marsga yuborilgan Xitoy va BAA zondidan keyin uchinchi havo kemasi boʻlgan.

Perseverance 2012-yildan buyon sayyoradagi Curiosity kemasiga nisbatan 14 foiz ogʻirroq va avvalgisiga qaraganda ancha murakkab ishlangan. Qurilma Marsning quruq va sovuq sayyoraga aylanishining sabablarini tushunish maqsadida hayot izlarini izlaydi va sayyora geologiyasini oʻrganadi.

Unda odamlarning kelajakdagi sayyoraga ekspeditsiyalari uchun foydali boʻlgan bir qator tajribalar oʻtkaziladi. Masalan, MOXIE eksperimenti 96 foiz karbonat angidrid gazi boʻlgan Mars atmosferasidan kislorod olish imkoniyatini koʻrsatishga moʻljallangan.

“Kema qoʻngan hududning kengligi 28 milni tashkil qiladi va yon bagʻirlari koʻplab potensial toʻsiqlarga ega. Togʻli joylar, tepaliklar, kraterning oʻz devorlari. Agar kema shu devorlardan biriga qoʻnsa, bu butun missiya uchun falokatga aylanishi mumkin”, - deydi NASA reaktiv harakatlanish laboratoriyasi vakili Endryu Jonson deb yozadi xabar.uz.