Somalidagi ocharchilik.

Urushlar oqibatida Barre rejimi agʻdarildi, ammo Somalidagi muammolar shu bilan tugab qolmadi. Endilikda ikki guruhga boʻlingan isyonchilar oʻzaro kurash boshlab yuborishdi.
Natijada mamlakatdagi barcha sohalar inqirozga yuz tutgan — ocharchilikdan aziyat chekkan odamlar koʻchalarda yashashga majbur boʻlishgan. Oʻsha paytda AQSH va Gʻarbiy Yevropa davlatlarining  gumanitar yordamlari ham toʻxtab qolgan boʻlib, koʻmak kutishdan naf yoʻq edi. Bundan tashqari, oʻsha yillari Somalida qattiq qurgʻoqchilik ham yuz bergan. Fuqarolar urushi mamlakatga BMT tinchlikparvar kuchlarining yetib kelishi bilan tugadi. Afsuski, xalqaro tashkilot oʻz vaqtida chora koʻra olmagan edi. Mamlakatda oʻsha paytda 300 mingga yaqin odam ochlikdan vafot etgan.