Isroilda yangi tug‘ilgan chaqaloq qornida homila aniqlandi

Isroildagi Ashdod tibbiyot markazi shifokorlari yangi tug‘ilgan chaqaloqni ko‘zdan kechirayotganda   shokka tushishdi. Maʼlum bo‘lishicha, chaqaloqning qorin bo‘shlig‘ida qisman rivojlangan yana bir homila bo‘lgan. 
Chaqaloqning qorni kattalashgani sababli shifokorlar uni ultratovush tekshiruvidan   o‘tkazishgan.  Tekshiruvdan so‘ng u zudlik bilan operatsiya qilingan va homila olib tashlangan.
Shifokorning aytishicha, bunday holatlar kamdan-kam – 500 mingta holatdan bittada uchrashi mumkin. 
Bunday patologiyaga bachadonda egizaklar rivojlanishi sabab bo‘lishi mumkin. Rivojlanishning dastlabki bosqichlarida homilalardan biri ikkinchisining tanasiga kirib qoladi va rivojlanishda davom etadi.