Akademik litseylarga hujjat topshirish jarayoniga o’zgartirish kiritildi

2021/2022-oʻquv yilida akademik litseylarga Davlat test markazi tomonidan oʻtkaziladigan kirish test sinovlarida oʻquvchilar va ularning ota-onalariga qulaylik yaratish maqsadida, shuningdek, koronavirus infeksiyasi bilan bogʻliq epidemiologik vaziyatni inobatga olib, akademik litseylarga hujjat topshirish jarayoniga oʻzgartirishlar kiritilgani maʼlum qilindi.
Qayd etilishicha, akademik litseylarga hujjat topshirgan oʻquvchilar vazirlikning litsey.edu.uz portali orqali oʻzlarining login va paroli bilan shaxsiy kabinetiga kirgan holda 20-avgust soat 24:00ga qadar quyidagi tahrirlash ishlarini amalga oshirishlari:
• tahrirlash tugmasi orqali oʻz shaxsiy maʼlumotlaridagi kamchiliklarni toʻgʻirlashlari;
• xorijiy tilni bilish sertifikati mavjud boʻlsa, sertifikat toʻgʻrisidagi maʼlumotlarni kiritish va uni tasdiqlovchi hujjatning nusxasini yuklashlari;
• hujjat topshirgan oʻquvchi oʻzi tanlagan 1 dan 5 tagacha boʻlgan akademik litseylarning bir xil taʼlim yoʻnalishlarini ketma-ketlik asosida belgilashi;
• kirish test sinovlarida ishtirok etish uchun test topshirish hududini belgilashlari mumkin boʻladi.