Test sinovlari uchun hujjatlar qabuli boshlanmoqda

Birinchi fevral kunidan Davlat test markazi va uning hududiy boʻlimlarida fevral oyida boʻlib oʻtadigan chet tilini bilish va egallash darajasini aniqlash, test sinovlari uchun talabgorlarning hujjatlarini qabul qilish ishlari boshlandi.

 Hujjatlarni qabul qilish beshinchi fevral kuniga qadar davom etadi.

 Qabul uchun taqdim etiladigan hujjatlar roʻyxati:

 -pasport, yoshiga yetmaganlar  tugʻilganlik haqida guvohnoma va uning nusxasi;

 -onlayn arizaning chop etilgan nusxasi;

 -toʻlov amalga oshirilganlik  toʻgʻrisidagi hujjat nusxasi.

 Hujjatlarni topshirishdan oldin talabgorlar test sinovi uchun roʻyxatdan oʻtishlari lozim.

 Roʻyxatga olish biometrik pasport yoki ID-kartaga ega boʻlganlar uchun my.dtm.uz sayti orqali, biometrik pasport yoki ID-kartaga ega boʻlmaganlar uchun esa Davlat test markazi va uning hududiy boʻlimlarida amalga oshirilmoqda.

 Bunda talabgorlardan  test topshirish hududi sifatida Qoraqalpogʻiston Respublikasi, viloyatlar va Toshkent shahridan birini tanlab, oʻzlari tanlagan hududda test sinovlarida ishtirok etishlari mumkin, deb yozadi xabar.uz.