48,9 million so’m qalbaki pullar aniqlandi

Bosh prokuratura huzuridagi departamentning Piskent tuman boʻlimi tomonidan DXXning Toshkent viloyati boshqarmasi bilan hamkorlikda oʻtkazilgan tezkor tadbirda qalbaki pul ishlab chiqarayotgan shaxslar qoʻlga olingan.
 Aniqlanishicha,  fuqaro Sh.S. 100 ming soʻmlik kupyuradagi jami 48,9 million soʻm qalbaki pullarni oʻtkazish maqsadida yonida olib yurgan vaqtida ushlangan. Ijarada yashab kelayotgan xonadoni koʻzdan kechirilganda, Sh.S.ning sheriklari M.Oʻ., S.M. va A.A.lar tomonidan kompyuter texnikasi yordamida tayyorlanib, rangli printerda chop etilgan yana 2,5 million soʻm qalbaki pullar mavjudligi aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog`ozlar yasash, ularni oʻtkazish) bilan jinoyat ishi qoʻzgʻatilib, tergov harakatlari oʻtkazilmoqda.