Giyohvand modda iste’mol qiluvchilar soni ma’lum qilindi

Tibbiyot fanlari doktori Zarif Ashurov dunyo aholisining 31 milliondan ortigʻi giyohvand moddalar isteʻmoli tufayli jiddiy kasalliklarga chalinganini aytdi. Shuningdek, mutaxassis Yer yuzidagi barcha oʻlim koʻrsatkichining 23 foizidan ortigʻi narkotiklar isteʻmoli bilan bogʻliqligini taʻkidladi.
Qayd etilishicha, Oʻzbekistonda 5 mingga yaqin kishi giyohvandlikka qaramlar hisobida turadi. Ularning 31 foizini 20–40 yoshdagilar tashkil etadi. Aytilishicha, bemorlarning 1,8 foizida odam immunitet tanqisligi virusi infeksiyasi aniqlangan.