BMT Afg’oniston uchun mo’ljallangan yordamni Termizga yubordi

BMTning Afgʻoniston xalqi uchun moʻljallangan gumanitar yordamining ilk partiyasi Oʻzbekistonda tashkil etilgan logistik markazga etib keldi. Yordam yuki birlamchi mahsulotlardan iborat.
Gumanitar yordam “Termiz-Hayraton” chegara o`tkazish punkti orqali Mozori-Sharifga yetkaziladi.
15-17-oktyabr kunlari BMTning Dubaydagi logistika markazidan navbatdagi gumanitar yordam kelishi kutilmoqda.
Taʻkidlanishicha, oktyabr oyining boshidan beri BMTning Jahon oziq-ovqat dasturi boʻyicha Afgʻonistonga temir yoʻl orqali 40 vagonga yaqin oziq-ovqat etib kelgan.
Avvalroq, BMT yaqin vaqt ichida Termiz shahriga gumanitar yordam bilan uchta samolyot yuborishni rejalashtirgani, uni yuk mashinalari bilan Xayraton chegara punkti orqali Mozori-Sharifga yetkazib berish rejalashtirilgani haqida xabar bergan edik.