“COBALT” avtomobili nega 1 mln so’m arzonga chiqmoqda?

Yarim oʻtkazgichlarning global tanqisligi butun dunyo avtomobil sanoatiga, shuningdek, “UzAuto Motors” kompaniyasiga ham oʻz taʼsirini oʻtkazmoqda. Shu munosabat bilan kompaniya xaridorlarga taklif bilan chiqdi.Yuzlab tayyor ”Chevrolet Cobalt" avtomobillari zavod avtoturargohida oʻzlarining yangi egalarini kutmoqda. Birgina yarimoʻtkazgich detalining yoʻqligi sabab avtomobildagi oʻrindiqni isitish tizimi ishlamasligi avtomobilni egasiga topshirishga yoʻl qoʻymaydi.Yuzaga kelgan holatdan kelib chiqib, “UzAuto Motors” kompaniyasi yaqin orada 4-pozitsiya “Chevrolet Cobalt”ni kutayotgan mijozlarga avtomobilni isitish oʻrindigʻi modulisiz taklif etadi. Ushbu komplektatsiya 1 mln soʻmni tashkil etadi.
“Ularning narxi avtomobilning umumiy narxidan olib tashlanadi.Avtomobilda konditsioner va pechka ishlashini taʼminlovchi isitish va sovitish tizim regulyatori (HVAC kontroller) oʻzgarishsiz ishlaydi.Oʻrindiqni isitish tugmasi ishlamaydi,” -deyiladi kompaniya murojaatida.“UzAuto Motors” tomonidan qoʻshimcha qilinishicha, xaridorning roziligi bilan amalga oshiriluvchi ushbu majburiy choraning qoʻllanilishi uzoq kutilgan avtomobillarni yaqin orada oʻz egalariga yetkazilishini taʼminlaydi.