“Chevrolet Onix” avtomobili qachon sotuvga chiqadi ?

“Chevrolet Onix” avtomobili sotuvi 2022 -yil oxiri, 2023-yil boshida yoʻlga qoʻyilishi rejalashtirilmoqda. Bu haqda “UzAuto Motor” AJ maʻlum qildi.
Qayd etilishicha, joriy yilning avgust oyida “Chevrolet Onix” va  “Chevrolet Treker 2” avtomobillarini ishlab chiqarishni yoʻlga qoʻyish uchun Asakadagi zavodda zaruriy ishlar olib borilgan.
“Chevrolet Onix” avtomobilining birinchi partiyasi ishlab chiqarilgandan soʻng, olti oylik sinov muddatidan oʻtishi kerak. Avtomobillar turli xil iqlim sharoitida, har xil yoʻllarda sinovdan oʻtkaziladi. “Оnix” avtomobillarini seriyali ishlab chiqarish faqat toʻliq testdan oʻtgandan keyingina boshlanadi”, deyiladi xabarda.
Eslatib oʻtamiz, joriy yilning fevral oyida “Chevrolet Onix”  sinov uchun olib kelingandi. “Onix” avtomobili Oʻzbekistonda 9-12 ming dollar atrofida sotilishi aytilgan.