Dori vositalarini noqonuniy muomalaga kiritilishining oldi olindi

Bosh prokuratura huzuridagi Departament hamda DXXning Fargʻona shahar boʻlimlari tomonidan oʻtkazilgan tezkor tadbirda, fuqarolar U.X., J.S. va D.Q. oldindan til biriktirib, boshqa bir fuqaroga 4 956 dona “Regapen” nomli kuchli ta’sir qiluvchi dori vositasini 3 540 AQSH dollariga sotgan vaqtida ashyoviy dalillar bilan ushlanganlar. 
Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qoʻzgʻatilib, tergov harakatlari oʻtkazilmoqda.