Firibgarlik fosh etildi

Toshkent shahar Shayxontohur tumanida sugʻurta polisi mablagʻlarini oʻzlashtirish holatlari aniqlandi. Bu haqda Iqtisodiy jinoyatlarga qarshi kurashish boshqarmasi xabar berdi.
Huquq-tartibot idoralari tomonidan oʻtkazilgan surishtiruv ishlari davomida sugʻurta kompaniyasi uchun agentlik shartnomalarini bajaruvchi ikki nafar xodim tomonidan jami 120,6 million soʻmlik 2437 dona sugʻurta polisi rasmiylashtirilganligi aniqlangan. Biroq bu mablagʻ korxona hisob raqamiga tushmagan, shaxsiy ehtiyojlar uchun sarflangan.
Mazkur holat yuzasidan Jinoyat kodeksining 167-moddasi (Oʻzlashtirish yoki oʻzlashtirish yoʻli bilan oʻgʻirlik) bilan jinoyat ishi qoʻzgʻatilgan.