Tadbirkordan pora talab qilgan mutaxassis ushlandi

Bosh prokuratura huzuridagi Departament hamda DXXning Sirdaryo tumani boʻlimlari tomonidan tadbirkorlik sub’yektlarining huquqlarini himoya qilish yuzasidan oʻtkazilgan tadbirda, “К.У.” boshqaruv servis korxonasi mutaxassisi Sh.A. Guliston shahar “Yangi hayot” mahallasidagi koʻp qavatli uylar oldidagi umumiy maydonini ta’mirlash ishlarini nazorat oʻlchovidan oʻtkazishda aniqlangan kamchiliklarni koʻrsatmaslik va amalga oshirilgan ishlarni 45 mln soʻmga oshirib koʻrsatish evaziga “К.С.” MCHJ ish boshqaruvchisi R.dan 10 mln soʻm talab qilib, shundan 5 mln soʻmni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.